«خلوا عندكم دم وميبقاش هدفكم الريتش».. نجم الأهلي يهاجم المصورين في عزاء والد محمد الشناوي

شن أحمد نبيل كوكا، لاعب الفريق الأول لكرة القدم بالنادي الأهلي، هجومًا لاذعًا على المصورين، الذين تواجدوا أمام قبر والد محمد الشناوي حارس القلعة الحمراء، لتغطية مراسم العزاء والجنازة.

وقال أحد نبيل كوكا، عبر صفحته الرسمية على موقع التواصل الاجتماعي «إنستجرام»: «ياخي بالله عليكم بطلوا تصورو حد في عزاء كفايا بقا ده مش شغل متقولش بعمل شغلي».

وأضاف:«هل انت تكون راضى والدك ولا ولدتك متوفيين وتشوف قدامك ٥٠ واحد بيصوروك وانت في موقف زي ده؟ دى حاجه صح يعني أو ده شغل يا أخي اعتبر مفيش عزاء مفيش حد مات ومتروحش».

وواصل:« حط نفسك مكان اللي في الموقف الصعب ده، هل اليوم ده لو مصورتش هيحصلك حاجه، المناظر وكميات التليفونات والتصوير في المواقف دي بقت مرعبة والله».

واستكمل:«طب فكر كده لو انت ربنا يديك الصحه ربنا افتكرك هتحب الناس تصور في العزاء بتاعك ولا يقفوا يدعولك، في حاجات محتاجه تفكر فيها وتخلي عندك دم وميبقاش كل هدفك الريتش والترند مش هينفعوك بـ حاجه».