أول تعليق من فيريرا على فوز الزمالك أمام مودرن سبورت

علق البلجيكي يانيك فيريرا، المدير الفني للفريق الأول لكرة القدم بنادي الزمالك، على الفوز أمام مودرن سبورت ضمن منافسات بطولة الدوري المصري الممتاز.

وفاز الزمالك على نظيره مودرن سبورت بهدفين مقابل هدف في المباراة التي أقيمت بينهما مساء اليوم الخميس، على ستاد هيئة قناة السويس في الجولة الثالثة لمسابقة الدوري الممتاز.

وقال فيريرا،خلال المؤتمر الصحفي عقب المباراة:” فوز مستحق وبدأنا الماتش بشكل جيد جدا، وكان عندنا فرص بعد الهدف الأول نسجل ثاني لكن بعد عشرين دقيقة مستوى الكرة قل شويه”.

وتابع: “في الشوط الثاني في بدايته قدرنا نسجل الهدف الثاني، ولكن بدل ما نزود استقبلنا هدف بعدها ومكنشي عندهم فرص بعدها يمكن غير فرصه بس الحارس بتاعنا صدها”.

واشار فيريرا:” جالنا فرص بعدها نسجل ثالث لكن مقدرناش تستغلها”.

واكمل:” أنا شايف دي احسن مباراة لعبتها وكان عندنا فرص كتيره نسجل لكن مقدرناش نستغلها والعقلية بتاعتنا في المباراة دي كانت ممتازة كويسه جدا”.

وشدد فيريرا:” فيما يخص الحاجات اللي محتاجين نطورها أننا نسجل أكثر ونقتل ونحسم الماتش “.

وزاد:” المرة دي بدأنا بشكل جيد والمستوى قل بعد كده .. لكن قبل كده كنا بنبدا أقل وبنزيد بعدها واحنا شغالين على الكلام ده كله في المباريات الجايه”.

وأختتم: “مكنشي في تأخير في التغييرات، ادم الكايد بالنسبالي بيتصنف جناح عادي جدا واحتجناها جناح وناصر ماهر بيلعب رقم عشرة كويس”.